XX. mendeko Euskararen Corpus estatistikoa

Testuingurua

MIREN - Eta, zer esan behar diet?

D. F.- (Pentsati). Esan?. Ea... A, bai!. Igo dadila atezaina.

MIREN - Kasimiro?. D. F.- Bai igo dadila Kasimiro. Hark egin dezake nire ordezko bezala.

MIREN - (Beldurrez). Baina, don Floripondio, Kasimirok ez daki deus medikuntzaz.

D. F.- Bueno, Segurokoak tratatzeko ez da asko jakin behar.

MIREN - Baina, Kasimiro analfabeto da. Ez daki irakurtzen ez idazten.

D. F.- (Eskuak mugituz). Berdin da, berdin da... Ala, zoaz Kasimiroren bila.

(Miren irtetzen da).

D. F.- (Paperak erabiliz). Jesus, Jesus. Hainbeste lan!

Ez dakit nola erresistitzen dudan.

(Miren eta Kasimiro sartzen dira. Kasimirok gizon baldarraren itxura du).

MIREN - Don Floripondio, hemen duzu Kasimiro.

D. F.- (Zutituz). Bueno, Kasimiro, zatoz hona.

(Kasimiro pausu baldarrez hurbiltzen zaio).

D. F.- Mesede bat egin behar didazu, Kasimiro.